«Лидс» 25 йилдан кейин «Ливерпул»га мавсумда ютқазмади
Англия Премьер-лигасининг 19-тур якунловчи баҳсларида «Лидс» «Ливерпул»га қарши сафарда очко олиб кетди: учрашув 0:0 ҳисобида якунланди. Бу ҳақда euro-football.ru хабар беради.
Бу жамоаларнинг жорий мавсумдаги иккинчи тўқнашуви бўлди. Аввалроқ «Элланд Роуд»да ўтган ўйинда ҳам ғолиб аниқланмаган, томонлар 3:3 ҳисобида дуранг қайд этганди.
Натижада «Лидс» АПЛда 2000/2001 йилги мавсумдан бери илк бор «Ливерпул»га қарши бир мавсум давомида бирорта ҳам ўйинда мағлуб бўлмади. Ўша мавсумда «Лидс» «қизиллар»ни иккала учрашувда ҳам енгган эди.
Шундан кейинги йилларда тақвим бу клубларни тўқнаш келтирганида (чунки «Лидс» ҳар доим ҳам АПЛда ўйнамаган), одатда «Ливерпул» икки ўйиндан камида биттасида ғалаба қозониб келарди.