Transfermarkt Франкни «Тоттенҳэм»нинг энг омадсиз мураббийи деб кўрсатди
Лондоннинг «Тоттенҳэм» клуби бош мураббийи Томас Франк жамоанинг сўнгги ўнта мураббийи орасида энг паст натижа қайд этган мутахассис сифатида тилга олинди. Бу ҳақдаги статистикани Transfermarkt портали эълон қилди. Бу ҳақда euro-football.ru хабар беради.
Манбага кўра, Франк бошчилигида «шпорлар»нинг ўйин бошига ўртача очко кўрсаткичи 1,32 ни ташкил этган. Бу нафақат аввалги мураббий Анже Постекоглу давридаги 1,52 очколик ўртача натижадан 13 фоизга паст, балки ундан олдин ишлаган мураббийлар кўрсаткичларидан ҳам анча ёмон.
Шу тариқа, Франк аввалги антирекорд эгаси Хуан де Рамосни ҳам ортда қолдирди. 2007–2008 йилларда Рамос даврида «Тоттенҳэм» ўйин бошига ўртача 1,35 очко тўплаган ва сўнгги ўнта мураббий ичида энг паст кўрсаткич айнан шунга тегишли эди.