Финляндияда мушуги ўлгани учун эркак “болничний” олди
Финляндияда эркак мушугининг ўлими сабабли вақтинча меҳнатга лаёқатсизлик варақасини олди. Бу ҳақда Bild хабар берди. Ҳодиса кўпчиликни ўйлантирди: баъзилар бундай ҳолатни табиий қайғу (руҳий зарба) деб билса, бошқалар иш интизоми биринчи ўринда дейди.
Иш берувчи мушукнинг ўлимини узрли сабаб деб ҳисобламагани туфайли масала судгача етиб борди. Мушук оғир касалликка чалингани сабабли уни эвтаназия қилишга тўғри келган. Эркак ишлайдиган устахонасига касаллик варақасини топшириб, ҳатто тиббий маълумотнома ҳам тақдим этган. Бироқ иш берувчи ҳужжатларни қабул қилмаган ва буни етарли асос (жиддий сабаб) деб кўрмаган. Раҳбар унга ё ишга қайтиш, ё ишдан бўшаш танловини қўйган. Қўрқув туфайли эркак ишга қайтган бўлса-да, охир-оқибат “узрли сабабсиз ишга келмаслик” асосида ишдан бўшатилган. Шундан сўнг мушук эгаси Тампере шаҳридаги туман судига мурожаат қилган. Судьялар даъвогарнинг томонини олган, яъни ходимнинг ҳолатини ҳақли (асосли) деб топган.
Корхона собиқ ходимига 40 минг евродан ортиқ маблағ тўлашга мажбур этилган. Ушбу сумма компенсация, касаллик даври учун тўлов ва суд харажатларини ўз ичига олади. Бироқ эркакнинг ўзи бу маблағлардан фойдалана олмаган, у суд қарори эълон қилинишидан аввал вафот этган. Натижада суд 40 минг еврони мерос таркибига киритиш ҳақида қарор чиқарган.