«Фенербахче» собиқ футболчиси Моуринёни ваъдасида турмади, деди
«Фенербахче»нинг собиқ футболчиси Линколн Жозé Моуриньо фаолиятини кескин танқид қилди. Португалиялик мутахассис Истанбул клубини 2024–2025 йилларда бошқарган. Бу ҳақда euro-football.ru хабар беради.
Линколннинг айтишича, Моуриньо унга берган ваъдасини бажармаган ва бу ҳолатни ҳурматсизлик деб қабул қилган. «У кўп соврин ютган, бунга ҳеч ким эътироз билдирмайди. Лекин мен учун ҳаётда характер титулдан муҳимроқ. У мени ранжитди», — деди футболчи Fanatik нашрига.
Футболчи «Халл Сити»га ижарага кетишидан олдин мураббий билан гаплашгани ва Моуриньо уни Португалиядаги ёзги йиғинга кутишини айтганини таъкидлади. Бироқ мавсум тугагач, у йиғинга чақирув кутган, кейин таржимон орқали алоқага чиқмоқчи бўлганида Моуриньо суҳбатдан бош тортган. Мураббий Линколнга спорт директори билан гаплашишни тавсия қилган.
Линколннинг сўзларига кўра, жамоа Португалияда бўлган пайтда у ҳам Португалияда уйида бўлган, шунга қарамай, Моуриньо уни Истанбулга қайтариб, алоҳида машғулот ўташини буюрган. У ўзига нисбатан адолатсиз ва ҳурматсиз муносабат бўлганини, кўп ўйинларда ноодатий позицияда ҳаракат қилса ҳам клубга ёрдам беришга интилганини, оғир жароҳатдан кейин эса кутилган қўллаб-қувватловни олмаганини айтди.
Ҳозирда Жозé Моуриньо «Бенфика» клубини бошқармоқда.