«Килменс» стадионини янгилаш учун мухлисларини ёрдамга чақирди
1887 йилда ташкил этилган ва Аргентина футболининг энг қадимий клубларидан бири бўлган «Килменс» ҳозир мураккаб даврни бошдан кечирмоқда. Шунинг учун жамоа раҳбарияти содиқ мухлисларидан кўмак сўрашга мажбур бўлди. Бу ҳақда euro-football.ru хабар беради.
Клуб стадионни қайта қуриш режасини эълон қилди, бироқ бу сафар одатдагидек пул йиғиш ҳақида эмас. Раҳбарият мухлисларга стадионга келиб, таъмирлаш ва қайта жиҳозлаш ишлари бўйича аниқ вазифаларни бажариб, жисмонан меҳнат қилишни таклиф қилди.
Жанубий ярим шарда жазирама ёз ҳукм сураётганига қарамай, «Килменс» ишқибозлари бу чақириққа бефарқ қолмади ва стадионни янгилаш ишларида фаол иштирок этишга рози бўлди.