Трент Александер-Арнолд «Реал» асосий таркибига қайтмоқда
Мадриднинг «Реал» клубида ўнг қанот ҳимоячиси Трент Александер-Арнолд яқин кунларда яна бошланғич таркибдан жой олиши кутилмоқда. Бу ҳақда euro-football.ru хабар беради.
Англиялик футболчи декабр бошидан бери жароҳат сабаб майдонга туша олмаган эди. 27 ёшли ҳимоячи ўтган якшанба куни Ла Лигадаги «Валенсия»га қарши учрашувнинг сўнгги дақиқаларида захирадан ўйинга қўшилиб, икки ойлик танаффусдан кейин илк бор майдонга қайтди. Marca хабарига кўра, бош мураббий Алваро Арбелоа Чемпионлар лигаси плей-оффидаги «Бенфика»га қарши илк ўйинда Трентни биринчи дақиқалардан туширишни режалаштирмоқда.
«Қироллик клуби» Лиссабон жамоасига қарши сафардаги баҳсни 17 февраль куни ўтказади, саккиз кундан сўнг эса жавоб учрашуви Мадридда бўлиб ўтади.
«Реал»нинг энг яқин ўйини 14 февральга белгиланган — рақиб «Реал Соседад» бўлади.