Гарри Кейн XXI асрда пенальтидан энг сермаҳсул учликда
"Бавария" ҳужумчиси Гарри Кейн фаолиятидаги 100-пенальтисини аниқ амалга оширди. Англиялик форвард Бундеслигада "Вердер"га қарши учрашувда (3:0) 11 метрлик зарбани голга айлантирди. Бу ҳақда euro-football.ru хабар беради.
Ўша ўйиннинг ўзида 32 ёшли футболчи яна бир йирик маррани қайд этди — умумий ҳисобда 500-голига етди.
FIFA World Cup Stats маълумотига кўра, Кейн XXI асрда пенальтидан 100 та гол уришга эришган атиги учинчи футболчига айланди. Бу кўрсаткич бўйича ундан олдинда фақат Криштиану Роналду (181) ва Лионель Месси (112) турибди.
Гарри Кейн 2023 йилда "Тоттенҳэм"дан "Бавария"га кўчиб ўтган. У профессионал фаолиятининг катта қисмини Лондон клубида ўтказган.