Тотти Моуринью билан ишламагани учун афсусда қолди
Римнинг “Рома” клуби собиқ сардори Франческо Тотти фаолияти давомида португалиялик мураббий Жозе Моуринью қўл остида ишлаш насиб этмагани учун афсус билдирганини айтди. Моуринью кейинроқ римликлар билан ишлаган бўлса-да, бу давр Тоттига тааллуқли эмас: афсонавий футболчи 2017 йилда фаолиятини якунлаган. Бу ҳақда euro-football.ru хабар беради.
Тоттининг фикрича, у Моуринью даврида имкониятларини тўлиқроқ очиб бера оларди. “У очиқ инсон, футболчиларга майдонда эркинлик беришни ёқтиради, жамоани жуда яхши бошқаради. Сенда шунча кучли ижрочилар бўлса, уларни шунчаки машқ қилдириш эмас, балки тўғри бошқариш ҳам керак”, — дея Тоттидан иқтибос келтиради fcinter1908.it.
Эслатиб ўтамиз, ҳозирда “Рома” А Серияда 5-ўринда бормоқда.