Артета «Арсенал»ни «Манчестер Сити»дан узоқлашмоқчи
«Арсенал» бош мураббийи Микел Артета чемпионлик пойгаси ҳақида фикр билдирди. Ҳозирда «канонирлар» турнир жадвалида пешқадам, иккинчи ўриндаги «Манчестер Сити» эса улардан тўрт очкога ортда бормоқда. Бу ҳақда euro-football.ru хабар беради.
Артета жамоа турли мусобақалар ўртасида кайфиятни тезда ўзгартира олаётганини таъкидлади. Унинг айтишича, «Арсенал» рақибларидан узилиб кетишни хоҳлайди ва яқин ҳафталардаги ғалабалар жамоанинг мақсадлари сари боришида позициясини янада мустаҳкамлайди.
«Арсенал» чоршанба куни сафарда «Вулверҳемптон»га қарши ўйнайди. Бу учрашув аслида март ойидаги тақвимга киритилган эди, бироқ бир ойдан кейин жамоани Лига кубоги финали кутаётгани учун ўйин муддатидан олдинга кўчирилди.