Мерсон «Арсенал»нинг қўлдан кетган ғалабасини изоҳлади
Англиялик собиқ футболчи Пол Мерсон Лондоннинг «Арсенал» клуби «Вулверҳемптон»га қарши ўйинда ғалабани ушлаб қола олмагани ҳақида фикр билдирди. Бу ҳақда euro-football.ru хабар беради.
«Канонирлар» 2:0 ҳисобида олдинга чиқиб олганди, бироқ якунда 2:2 дуранг қайд этилди. Мезбонлар учун ҳал қилувчи вазият 94-дақиқада юз берди: Рикардо Калафиорининг автоголи «бўрилар»га бир очко олиб келди.
«Иккинчи тезликда ўйнаб бўлмайди. «Вулверҳемптон» ҳисобни тенглаштиргачгина, «Арсенал»да аввал йўқ бўлган қатъият пайдо бўлди. Бу мутлақо нотўғри. Ҳар бир учрашув финалдек, охиригача максимал диққатни сақлаш керак», — деди Мерсон Sky Sports’даги таҳлил чоғида.
Шунга қарамай, Микел Артета жамоаси турнир жадвалида пешқадамликни сақлаб турибди: «Арсенал» «Манчестер Сити»ни беш очкога ортда қолдирмоқда, «шаҳарликлар» эса битта ўйинни захирада ушлаб турибди.