Денис Макаров жароҳатдан кейин тўлиқ тикланиб, машғулотга қайтди
Денис Макаровнинг манфаатларини ҳимоя қилувчи агент Алексей Бабир футболчининг ҳозирги ҳолати ҳақида маълумот берди. Бу ҳақда euro-football.ru хабар беради.
Эслатиб ўтамиз, Москванинг «Динамо» клубидан Туркиянинг «Кайсериспор» жамоасига ўтган ҳужумчи яқинда енгил жароҳат олганди.
Агентнинг айтишича, Макаров тикланиб бўлган ва бутун ҳафта давомида умумий гуруҳ билан тўлиқ шуғулланган. У жамоада ўзини эркин ҳис қилмоқда, ҳаммаси ёқмоқда, фақат ўша кичик жароҳат уни бироз ортга тортган — акс ҳолда у аллақачон учрашувларни илк дақиқалардан бошлаган бўларди.
Туркия чемпионатида Макаров ҳозирча бир ўйинда майдонга тушиб, 30 дақиқа ҳаракат қилди.
Якшанба куни «Кайсериспор» Туркия чемпионатининг 23-тури доирасида «Антальяспор»га қарши баҳс ўтказади.