Симеоне Гризманннинг келажаги ҳақидаги саволлардан қочди
ОАВда март ойида ҳужумчи Антуан Гризманн яқин кунларда «Атлетико» билан хайрлашиб, MLSдаги «Орландо Сити»га йўл олиши мумкинлиги ҳақида хабарлар тарқалди. MLSда трансфер ойнаси ҳали ёпилмагани боис бундай келишув назарий жиҳатдан амалга ошиши мумкин. Бу ҳақда euro-football.ru хабар беради.
Жума кунги матбуот анжуманида «Атлетико» бош мураббийи Диего Симеоне бу мавзуни муҳокама қилишдан бош тортди.
«Гризманн кетадими? Бу ҳақда гапни давом эттиришни истамайман. Биз бутун эътиборимизни эртанги ўйинга қаратганмиз», — деди Симеоне.
Қишнинг сўнгги оқшомида «Атлетико» Испания чемпионатида сафарда «Реал Овьедо»га қарши майдонга тушади. «Матрасчилар» ҳозир Ла Лига жадвалида тўртинчи ўринда бормоқда.