Актриса Зуҳра Солиева яқинда интернет сайтларидан бирига интервью берди. Унда актриса журналистнинг «Ўтган бир ярим йил давомида ҳаётингизда нима ўзгарди?» деб берган саволига қуйидагича жавоб қайтарган: — Ишим кўпайди, съёмкам кўпайди. Айниқса, байрамларга, кўрсатувларга таклиф қилиш кўпайди. Шундан хурсандман. Ўзгариш бўлди, ўзимда ўзгариш бўлди. Ҳаётга бошқачароқ қарайдиган бўлдим. Ўзимга янги мақсад туздим. Ёнимда мени камситадиган, менга нисбатан салбий гап гапирадиган инсонлардан воз кечаман, бундан буён. Чидамайман. Чунки кўп шунақа инсонларга чидаб, орқамга қарасам, 3-4 йиллаб умрим ўтиб кетибди. Умримни қайтиб бермайди, ўша одам. Ҳеч ким қайтариб бермайди. Энди кутмайман. Ҳеч кимни кутмайман, деб олдимга мақсад қўйдим. Олдин биласизми, қандай эдим? Балки бугун ёқарман, балки эртага ёқарман деб ўйлайверардим. Мана шу билан куним ўтибди. Йилларим ўтибди. Энди кутмайман. Ҳаётимдаги энг катта ўзгариш – кутмаслик таърифига ўтдим!
