Ҳуснора Шодиеванинг онаси унинг биринчи турмуши ҳақида гапирди
У тўй дабдабали бўлганини таъкидлади.
«Сентябрда бўлганида қизимни бермаган бўлардим». Ҳуснора Шодиеванинг онаси унинг биринчи турмуши ҳақида гапирди
Хонанда Ҳуснора Шодиеванинг онаси бошловчи Раъно Артикова YouTube’даги «Yashin Tv» лойиҳасига берган интервьюсида қизининг биринчи турмуши ҳақида гапирди.
Унинг сўзларига кўра, Ҳусноранинг собиқ турмуш ўртоғи уни Instagram’да кўриб ёқтириб қолган. Шундан кейин хонандани суриштириб топган ва 3-4 марта кўргандан сўнг тўйни тезлаштириб юборган. Шунингдек, актрисанинг онаси тўй дабдабали ўтганини таъкидлаган.
«Жуда катта тўй бўлган. Севишиб эмас. У бола Instagram’да кўриб қолган. Кейн қидириб топган. Даврон деган бола бу мен билан ўқийди деб номерини берган. У тўғри менга қўнғирқ қилган. Ишим бўйича келди деб ўйлаб чиққанман. Чиқсам, битта гавдали, келишган бола турган экан. Ҳуснора уни кўриб ‘Кишику бу. Унинг олдига чиқмайманʼ деди. Эр-хотин бир-биридан 7 ёш катта бўлса яхшку дедим. Шу биан тезлашиб кетди. У бола иш бўйича Дубайда яшарди. Биз нима иш қилишини билмаганмиз. Ҳамма нимага суриштирмадингиз деган. Энди бу пешона. Келинг, тўйни центябрда қилайлик дедим. Тўйга тайёргарлик кўриш керак дедим. 3-4 марта кўриб тўйни тезлаштириб кетди. Агар тўй центябрда бўлганда мен у болага эрга бермасдим. Мен у боланинг қандайлигини билардим», — дейди у.