Коточкыч авариядә машина йөртүче салоннан атылып чыккан, пассажир янып үлгән - видео
15 мартка каршы төндә Калининград шәһәрендә коточкыч авария була. Әлеге вакыйганы видеокүзәтү камерасы төшереп тора. Бу кадрларны «Вести» каналы күрсәтте.
«Киа» машинасын йөртүче 34 яшьлек ир-ат полиция хезмәткәрләреннән качып китәргә маташа. Ленин проспекты буйлап барганда, ул идарәсен югалта, юлдан читкә чыга һәм агачка бәрелә.
Агачка бәрелгәннән соң, машинага ут каба. Руль артында утырган ир-ат исә салоннан очып чыга. Аның шул сәбәпле исән калуы ихтимал. 42 яшьлек пассажир ир-ат исә ут капкан машинадан чыга алмый, ул тереләй янып үлә.
Биредәге матбугат чаралары хәбәр иткәнчә, «Киа» машинасын йөртүче ир-ат исерек булуы ихтимал, ләкин ул медицина тикшеренүеннән баш тарткан. Өстәвенә, бу кешенең машина йөртү таныклыгы да булмаган, диелә бу хәбәрдә.