Keriçte Şevçenkonıñ doğğan künü yıllığında eykeline çeçekler ketirdiler (+ video)
Bölükniñ rehberi Sergey Voronçihinniñ bildirgenine köre, tedbir Keriçteki ukrainler cemaatınıñ teşebbüsinen teşkil etildi. Onıñ aytqanına köre, çeçek qoyuvda rus cemaatı, yeudiy milliy-medeniy muhtariyeti ve «Çerkio» italyan cemiyetiniñ vekilleri, şeer şurası deputatı, Rusiye Federatsiyası Kommunistik fırqasınıñ vekili İvan Jeltenko iştirak ettiler.
Urkainler cemaatınıñ reisi Aleksandr Belskiy selâmlav sözünen çıqışta bulundı.
«Керчь.ФМ» haber saytında, Taras Şevçenko adına skverdeki eykelge çeçekler qoyulmasınıñ videosı derc etildi.
Keriçteki Rusiye memuriyetiniñ bildirgenine köre, mart 9-da Belinskiy adına merkeziy şeer kitaphanesiniñ oquv zalında «Şevçenko – ressam» tedbiriniñ ötkerilmesi planlaştırıldı.
Keriçte bir yıl evel de Taras Şevçenkonıñ doğğan kününi ukrain şairiniñ eykeline çeçeklerni qoyıp qayd ettiler. Eykelge çeçeklerni şeer sakinleri, Rusiyeniñ tarafını tutqan teşkilâtlarnıñ vekilleri ve kommunistler ketirgen ediler.
В 2015 senesinde Aqmescitte Şevçenko eykeline çeçekler qoyğanda Ukraina tarafdarı olğan faaliyetçilerni polis yaqalay edi.