Төнгә каршы нинди ризыклар ашарга ярамый?
Кичке ашка кызыл ит, күгәрекле сыр һәм җиләк-җимешләр ашау йокыны бозарга мөмкин. Бу хакта психотерапевт, эндокринолог һәм нутрициолог Татьяна Мазулевскаяга сылтама белән «Доктор 24» сайты яза.
Бозау, дуңгыз һәм бәрән итен эшкәртү өчен организмга күп көч таләп ителә. Шуңа күрә кичке ашка кызыл ит ашаганнан соң кешегә ял итү һәм йокыга китү авыр була.
«Ризык эшкәртелгәндә кортизол, ягъни, стресс гормоны күп бүленеп чыга, һәм организм бик арый. Кызыл итне йокларга 4 сәгать кала ашау яхшырак», – дип аңлаткан табиб.
Моннан тыш, кичке ашка җиләк-җимешләр дә ашарга ярамый, чөнки аларны ашаганнан соң эчкә газ җыела, аннан эч күбә. Бу да төнлә организмга тулысынча ял итәргә ирек бирми. Табиб сүзләренчә, төнгә каршы сөт ризыклары ашау яхшы, әмма күгәрекле сыр ашарга ярамый. Мондый сырда тирамин матдәсе була, ул йокысызлык китереп чыгара, дигән табиб.