Амбасадор на РФ во Минск за антируската активност на Западот во Белорусија

„Сѐ, што се однесува на активностите на Западот на украинското крило, на белоруското, сето тоа се антируски активности. И ние разбираме дека следните напори ќе бидат насочени кон Белорусија, и веќе се насочени“, изјави амбасадорот Суриков во интервју за белоруската редакција на „Спутник“.

До што ќе доведе конфликтот помеѓу Русија и Белорусија?

Притоа, според Суриков, земјите од ЕУ „засега не се во состојба да го откинат“ Минск од Москва. „А и Белорусија не е подготвена да се фрли во прегратките на Западот, кинејќи ги сите економски врски. Тоа е примерот со Украина, тоа е примерот со Молдавија“, рече рускиот амбасадор.

Како пример за антируските активности дипломатот истакна дека во Белорусија „зачестија разни делегации“. Тој додаде дека Русија гледа што се случува и „работи на тоа“.

На 1 април претседателот на Белорусија Александар Лукашенко изјави дека различни тестови ја откриваат кревкоста на постигнувањата на Сојузната  држава. Притоа тој потенцираше дека историското сеќавање и меѓусебната поддршка секогаш биле за Москва и Минск „над сите меркантилни или тактички причини“, пренесува „Лента.ру“.