«Ну әби, ну әби». Туйда ыргыткан чәчәк бәйләмен кәләшнең әбисе тоткан - видео
Туйда кәләшнең чәчәк бәйләмен ыргыту йоласы бар. Бу – кәләш кияүгә чыгу эстафетасын чәчәк бәйләмен тотучыга тапшыра дигән сүз.
Хәләл туйлар тамадасы Салават Миңнеханов алып барган туйда кәләшнең чәчәк бәйләмен әбисе тоткан. Татар әбисенең чын күңелдән куанганын, кунакларның аны хуплап алкышлавын, ә кәләшнең аптырап калганын видеога төшергәннәр.
Бу хәлгә Салават Миңнеханов үзе дә аптырап калган, видео астына: «Ну әби, ну әби», – дип кенә яза алган ул.
Җырчының социаль челтәрен күзәтеп баручыларның кәефе күтәрелгән, комментарийларга тәгәрәп көлгән смайликлар тезгәннәр.
«Машалла, кызлар шикелле ул», «Өлгер әби булып чыккан», – дип әби өчен шатланучылар да табылган.