Ռուսաստանը կողմերին առաջարկել է «փոխզիջումային հանգուցալուծումներ»
«Առանց զգայուն մանրամասները բացահայտելու՝ կարող եմ ասել, որ մեր կողմից առաջարկվել են փոխզիջումային հանգուցալուծումներ՝ լարվածությունը թուլացնելու համար, որոնք կողմերը վերցրել են «տնային աշխատանք» կատարելու համար։ Հուսով ենք, որ մարդասիրական նկատառումները, հասարակ մարդկանց մասին հոգ տանելը Բաքվի եւ Երեւանի քաղաքական տարաձայնություններից ավելի կարեւոր կդիտվեն»,- ՏԱՍՍ-ին տված հարցազրույցում ասել է Գոնչարը։
«Շուտափույթ խաղաղության հասնելու հանձնառության մասին Բաքվից եւ Երեւանից հնչող ազդանշանները չեն նշանակում, որ կողմերը պատրաստ են համաձայնել ցանկացած պայմանի։ Դեռ պետք է հանգուցալուծումներ գտնել մի շարք բարդ թեմաների շուրջ։ Դրանցից ամենակարեւորն Ադրբեջանի իրավական դաշտի շրջանակներում Լեռնային Ղարաբաղի հայ բնակչության անվտանգությունն ապահովելու եւ համընդհանուր իրավունքների պահպանման խնդիրն է»,- ասել է ռուսաստանցի դիվանագետը։
Մեկնաբանելով Հարավային Կովկասում հաղորդակցությունների ապաշրջափակման թեման՝ Դենիս Գոնչարը նշել է, որ փոխվարչապետերի վերջին հանդիպման արդյունքներով կողմերը զգալի առաջընթաց են արձանագրել Ադրբեջանի եւ Հայաստանի միջեւ տրանսպորտային հաղորդակցությունների ապաշրջափակման եղանակների համաձայնեցման հարցում։
«Մասնավորապես, փոխըմբռնում է ձեռք բերվել Երասխ-Ջուլֆա-Մեղրի-Հորադիզ երթուղով երկաթուղային հաղորդակցության վերականգնման եւ կազմակերպման կոնկրետ քայլերի իրականացման վերաբերյալ։ Հուլիսի 25-ին Մոսկվայում Ռուսաստանի, Ադրբեջանի եւ Հայաստանի ԱԳ նախարարների եռակողմ հանդիպման ժամանակ այս թեման եւս շոշափվել է, մեր կողմից ցանկություն է հայտնվել այս աշխատանքը հնարավորինս շուտ տեղափոխել նախագծային փուլ։ Միեւնույն ժամանակ, մենք ձգտում ենք ապահովել, որ այս ուղղության բոլոր համաձայնությունները պարիտետային բնույթ ունենան: Կողմերից ոչ մեկը չպետք է ունենա այն զգացողությունը, որ ինչ-որ մեկն ավելին է ստացել»,- նշել է ՌԴ բարձրաստիճան դիվանագետը։
«Առանց զգայուն մանրամասները բացահայտելու՝ կարող եմ ասել, որ մեր կողմից առաջարկվել են փոխզիջումային հանգուցալուծումներ՝ լարվածությունը թուլացնելու համար, որոնք կողմերը վերցրել են «տնային աշխատանք» կատարելու համար։ Հուսով ենք, որ մարդասիրական նկատառումները, հասարակ մարդկանց մասին հոգ տանելը Բաքվի եւ Երեւանի քաղաքական տարաձայնություններից ավելի կարեւոր կդիտվեն»,- ՏԱՍՍ-ին տված հարցազրույցում ասել է Գոնչարը։
«Շուտափույթ խաղաղության հասնելու հանձնառության մասին Բաքվից եւ Երեւանից հնչող ազդանշանները չեն նշանակում, որ կողմերը պատրաստ են համաձայնել ցանկացած պայմանի։ Դեռ պետք է հանգուցալուծումներ գտնել մի շարք բարդ թեմաների շուրջ։ Դրանցից ամենակարեւորն Ադրբեջանի իրավական դաշտի շրջանակներում Լեռնային Ղարաբաղի հայ բնակչության անվտանգությունն ապահովելու եւ համընդհանուր իրավունքների պահպանման խնդիրն է»,- ասել է ռուսաստանցի դիվանագետը։
Մեկնաբանելով Հարավային Կովկասում հաղորդակցությունների ապաշրջափակման թեման՝ Դենիս Գոնչարը նշել է, որ փոխվարչապետերի վերջին հանդիպման արդյունքներով կողմերը զգալի առաջընթաց են արձանագրել Ադրբեջանի եւ Հայաստանի միջեւ տրանսպորտային հաղորդակցությունների ապաշրջափակման եղանակների համաձայնեցման հարցում։
«Մասնավորապես, փոխըմբռնում է ձեռք բերվել Երասխ-Ջուլֆա-Մեղրի-Հորադիզ երթուղով երկաթուղային հաղորդակցության վերականգնման եւ կազմակերպման կոնկրետ քայլերի իրականացման վերաբերյալ։ Հուլիսի 25-ին Մոսկվայում Ռուսաստանի, Ադրբեջանի եւ Հայաստանի ԱԳ նախարարների եռակողմ հանդիպման ժամանակ այս թեման եւս շոշափվել է, մեր կողմից ցանկություն է հայտնվել այս աշխատանքը հնարավորինս շուտ տեղափոխել նախագծային փուլ։ Միեւնույն ժամանակ, մենք ձգտում ենք ապահովել, որ այս ուղղության բոլոր համաձայնությունները պարիտետային բնույթ ունենան: Կողմերից ոչ մեկը չպետք է ունենա այն զգացողությունը, որ ինչ-որ մեկն ավելին է ստացել»,- նշել է ՌԴ բարձրաստիճան դիվանագետը։