«Ինքնասպանություններ»․ 24 ժամում երկու զինվոր է մահացել
Օգոստոսի 11-ի առավոտյան Պաշտպանության նախարարությունը հաղորդել է զինծառայող Ժորա Զոհրաբի Կարապետյանի, իսկ երեկոյան՝ զինծառայող Գրանիկ Վարդանի Խնկոյանի մահվան մասին։ Ժորա Կապարետյանի մահը քննվում է որպես «ինքնասպանություն»։ Գրանիկ Վարդանյանի մահվան պաշտոնական վարկածը դեռ չի հրապարակվել, Բենիամին գյուղի վարչական ղեկավարի խոսքով՝ Քննչականից ասել են, որ զինվորը ինքնասպան է եղել։ «ոչ կանոնադրական վարքագծի դրսևորման արդյունքում» «Օգոստոսի 10-ին, դեռ …
The post «Ինքնասպանություններ»․ 24 ժամում երկու զինվոր է մահացել first appeared on Epress.am.Օգոստոսի 11-ի առավոտյան Պաշտպանության նախարարությունը հաղորդել է զինծառայող Ժորա Զոհրաբի Կարապետյանի, իսկ երեկոյան՝ զինծառայող Գրանիկ Վարդանի Խնկոյանի մահվան մասին։ Ժորա Կապարետյանի մահը քննվում է որպես «ինքնասպանություն»։ Գրանիկ Վարդանյանի մահվան պաշտոնական վարկածը դեռ չի հրապարակվել, Բենիամին գյուղի վարչական ղեկավարի խոսքով՝ Քննչականից ասել են, որ զինվորը ինքնասպան է եղել։
«ոչ կանոնադրական վարքագծի դրսևորման արդյունքում»
«Օգոստոսի 10-ին, դեռ չպարզված հանգամանքներում, hրազենային վիրավորում է ստացել ՀՀ ՊՆ N զորամասի զինծառայող Ժորա Զոհրաբի Կարապետյանը: Չնայած բժիշկների գործադրած ջանքերին՝ զինծառայողի կյանքը փրկել չի հաջողվել», – օգոստոստի 11-ի առավոտյան գրել է Հայաստանի ռազմական գերատեսչությունը։
Ավելի ուշ Քննչական կոմիտեն հաղորդել է, թե, նախնական տվյալների համաձայն, Ժ․ Կարապետյանը «ինքնասպանություն է գործել իր նկատմամբ ոչ կանոնադրական հարաբերություններին բնորոշ վարքագծի դրսևորման արդյունքում»։ Զինծառայողին «ինքնասպանության հասցնելու կասկածանքով» ձերբակալվել են նրա երկու համածառայակիցները։
Գրանիկը նոր էր արձակուրդից վերադարձել
Ուշ երեկոյան ՊՆ-ից հաղորդել են նաև զինծառայող Գրանիկ Վարդանի Խնկոյանի մահվան մասին․ «Օգոստոսի 11-ին, դեռ չպարզված հանգամանքներում, հրազենային մահացու վիրավորում է ստացել ՀՀ ՊՆ N զորամասի զինծառայող Գրանիկ Վարդանի Խնկոյանը: Դեպքի հանգամանքներն ամբողջովին պարզելու նպատակով կատարվում է քննություն»։
Որտեղ են ծառայել զոհված զինծառայողների և որտեղ են հայտնաբերվել նրանց մարմինները՝ ՊՆ-ից չեն ասել։
թարմացում (օգոստոսի 12, 10։02) — Գրանիկ Խնկոյանը Շիրակի մարզի Բենիամին գյուղից էր, զորակոչվել էր հունվարին, ըստ պաշտոնական վարկածի՝ ինքնասպան է եղել, news.am-ին ասել է գյուղի վարչական ղեկավար Արտակ Անտոնյանը։
«Գրանիկը Արարատում էր ծառայում, ճիշտն ասած լսել էի, որ երեկ մի դեպք էլ է եղել, բայց չեմ կարող ասել, թե ինչ է պատահել, մանրամասների չեմ տիրապետում: Գրանիկը մի քանի օր առաջ արձակուրդ էր եկել, տեսել եմ իրեն, խոսել, գոհ էր ծառայությունից: Իրենք յուրահատուկ ընտանիք են, իրենից փոքր երկու եղբայր էլ ունի Գրանիկը, հայրն ու մայրն էլ գյուղատնտեսական աշխատանքներով են զբաղվում: Գրանիկը շնորհքով, աշխատասեր երեխա էր, անհավատալի է, երեկ առավոտ էլ հոր հետ էր խոսել, ասել էր, որ ամեն ինչ նորմալ է», – նշել է գյուղապետը:
Գրանիկ Խնկոյանը
Ինքնասպանության վարկածին նա չի հավատում. «Ճանաչում էի իրեն, այդ երեխան խելոք, աշխատասեր երեխա էր, վատ սովորություններ չուներ, ի՞նչը պետք է պատճառ լիներ, որ ինքնասպանություն գործեր, չեմ կարողանում հասկանալ: Ուղղակի ափսոս է, որ խաղաղ վիճակում զինվոր է զոհվում»:
News.am-ի տեղեկություններով, «ինքնասպանության» երկու դեպքն էլ տեղի է ունեցել նույն զորամասում:
The post «Ինքնասպանություններ»․ 24 ժամում երկու զինվոր է մահացել first appeared on Epress.am.