Шывра та путмаççĕ, вутра та çунмаççĕ
Интернет пулăшăвĕсĕр çыхăнăва тухма, квадрокоптерпа вĕçме, ушкăнпа вăрçă хирĕнче пĕр-пĕрне ăнланса ĕçлеме, пăшала алăра тытма вĕренеççĕ «Звезда» пуçламăш çар хатĕрленĕвĕн курсне çӳрекенсем. Тĕплĕнрех – пирĕн сюжетра. Çут çанталăкăн черчен пайĕ арçынсенчен кая мар çар хатĕрленĕвĕнче хăйне пуçаруллă кăтартать. Калашников пăшалне те çăмăллăн салатса пуçтарма хăнăхса çитнĕ курсантсем. Йĕрке тăрăх çак ĕçе «пиллĕк» паллăлăх пурнăçлама 18 çеккунт кирлĕ. Тăшманпа куçа куçăн тĕл пулсан вара ăсталăх тĕп вырăнта. Çа
<p><strong> </strong></p>
<p>Интернет пулăшăвĕсĕр çыхăнăва тухма, квадрокоптерпа вĕçме, ушкăнпа вăрçă хирĕнче пĕр-пĕрне ăнланса ĕçлеме, пăшала алăра тытма вĕренеççĕ «Звезда» пуçламăш çар хатĕрленĕвĕн курсне çӳрекенсем. Тĕплĕнрех – пирĕн сюжетра.</p>
<p>Çут çанталăкăн черчен пайĕ арçынсенчен кая мар çар хатĕрленĕвĕнче хăйне пуçаруллă кăтартать. Калашников пăшалне те çăмăллăн салатса пуçтарма хăнăхса çитнĕ курсантсем. Йĕрке тăрăх çак ĕçе «пиллĕк» паллăлăх пурнăçлама 18 çеккунт кирлĕ. Тăшманпа куçа куçăн тĕл пулсан вара ăсталăх тĕп вырăнта. Çар хатĕрĕ 5 килограмран кая мар. Никам та ачашланмасть кунта.</p>
<p>АННА: "Пирĕн кашнин паянхи пурнăçра вăрçă тухасран сыхланмалла. Вăрçă ан тухтăр тесессĕн пирĕн кашнин çак вăрçăна хатĕр пулмалла. Январь уйăхĕнче курссем уçнă пирки илтсессĕн эпĕ çак курссене килтĕм, мĕншĕн тесессĕн кунта пире пăшалпа ĕçлеме вĕрентеççĕ, пĕлме вĕрентеççĕ. Унсăр пуçне аманнă çынсене пĕрремĕш медицина пулăшăвĕ пама вĕрентеççĕ".</p>
<p>Телеграмра «Зов Чувашии» ырă кăмăллăх фончĕн каналне тытса пыракан Люсинна, ку унăн хушма ячĕ, çак курссене çӳреме пуçланăранпа ятарлă çар операцине хутшăнакансене тата лайăхрах ăнланма тытăннине палăртать. Сывлăшра вĕçекен техникăна курсан хăрамалла мар. Курсантсем квадрокоптерпа ĕçлеме вĕренеççĕ. Разведкăра, артиллерире тăшмана вăхăтра асăрхама, тĕп тума хальхи йышши дронсемсĕр май килмест. Çар топографине те тĕшмĕртеççĕ кунта çӳрекенсем. Инкукторсем пурте тенĕ пекех – çар çыннисем. Чи кирли – пурне те пĕр-пĕриншĕн кар тăма хăнăхтарасси, вăрçă хирĕнче никама та пăрахса хăварма юрамасть – çакна вĕрентесси. «Звезда» пуçламăш çар хатĕрленĕвĕн курсанчĕсем вĕренĕве канмалли кунсенче пухăнаççĕ. Кулленхи пурнăçра вĕсем тухтăрсем, педагогсем, инженерсем, программистсем. Ырă çак пуçарăва йĕркелекенĕ – Алексей Григорьев, вăл 2014-мĕш çултанпа Донбасра пурăнакансене хăй ирĕкĕпе пулăшма пуçланă.</p>
<p>АЛЕКСЕЙ ГРИГОРЬЕВ: "Ятарлă операци пуçлансан хамăр районта хамăн çывăх юлташсемпе çак операцине пулăшасси пирки пĕтĕçленсе ĕçлеме пуçларăмăр. Çав вăхăтрах мобилизаци пуçлансан хамăр ентешсене кайса курса вĕсем мĕнле вĕреннине асăрхаса шухăш çуралчĕ хамăр патра республикăра çар мелĕсем вĕрентме çынсене, юлташсене пуçтарса çак курссене йĕркелерĕмĕр. Вăл питĕ кирлĕ тесе шутлатпăр".</p>
<p>Чăваш Республикин Пуçлăхĕ Олег Николаев, республикăри çар комиссариачĕ Алексей Григорьев пуçарăвне ырласа ДОССААФра пӳлĕм уйăрса панă. Хальлĕхе çак проект аталанса пырать, çавăнпа республикăра пурăнакансем ăна пулăшма хăйсен тӳпине хывма пултараççĕ. Пĕрремĕш курсантсем кĕçех вĕренсе тухаççĕ. Авăн уйăхĕнче шкул программинче кăçалтан çĕнĕ предмет пулĕ – пуçламăш çар хатĕрленĕвĕн курсĕ.<strong> </strong></p>