Пенсионер спортчылар һәм инвалид спортчыларыбызның уңышы [+фоторепортаж]

Барысы 31 районнан  килгән командалар 6 спорт  төреннән   көч сынаштылар. Ярышларга әзерлек    бушка китмәде. Йөзү эстафетасында (4х50) Т.Ханнанова,  Ә. Шәйдуллина, Р.Мостафин, А.Габдерахманов иң  яхшы  вакыт    күрсәтеп, 1нче  урынга  чыктылар. Моннын тыш Т.Ханнанова аерым   йөзүдә 3нче нәтиҗә   күрсәтте. Шулай ук  җиңел атлетика, өстәл теннисы,  винтовкадан ату, дартс, катнаш эстафета  ярышларында да райондашларыбыз призерларча   яхшы күрсәткечләргә ирештеләр. Команда нәтиҗәләренә  килгәндә,  спортчыларыбыз, Баулы пенсионерларыннан гына   калышып, 2нче  урынны  алдылар. Кубок һәм дипломга лаек булдылар.
Ярышларга  кыска гына анализ  ясаганда, райондашларыбыз  үзләрен иң тотрыклы әзерлекле команда икәнлеген раслады. Чөнки  соңгы 4 елда  2шәр тапкыр 1нче һәм 2нче  урыннар   яуланган.  Шул  ук вакытта безнең  сафларга  яңа гына  пенсиягә чыккан   спортчыларның аз кушылуы борчый. Составның   күпчелеге 60 яшьлек хатын-кызлар һәм 65тәге  ир-атлар булуы  киләсе елларга команданы  яшәртү зарурлыгы турында уйландыра.

  Бу  көннәрдә инвалид спортчылар республика  ярышларында район данын уңышлы  якладылар.  Өстәл теннисы буенча  Мамадышта   үткәрелгән  Татарстан  чемпионатында  һәм беренчелегендә Зилә Габдерахманова (Сабабаш),  Зилә Галиуллина, Владимир Богданов (Саба), Раил Галиәкбәров (Шәмәрдән) –1нче, Данил Шамилов (Килдебәк) –2нче, Лилия Габдулова (Иштуган  һәм Раилә Низаметдинова (Шәмәрдән) 3нче  урыннарны  алдылар.  Саба районы командасы гомуми исәптә дүртенче  ел рәттән җиңүче  исемен  яулады.  Мамадышлылар – 2нче, Кукмара теннисчылары 3нче  урында.
                                                            × × ×
Инвалид  спортчылар арасында  өметле   йөгерешче  – Өтернәс авылы  егете  Азат Сәмигуллин уңышлары белән еш  куандыра.  Саба аграр көллияте студенты 17-21 майда Башкортстанның Салават шәһәрендә  үткән Россия беренчелегендә 5000 һәм 800  метрга  йөгерүдә  – 2нче, ә 1500 метрда 4 минут 54 секунд  вакыт    күрсәтеп, җиңүче исеменә лаек булды.  Хәзер азат Новочебоксарск шәһәрендә узачак тагын да югарырак  дәрәҗәдәге Россия чемпионатына әзерләнә.

Рәшит Кәримов.