Омскда юз берган автоҳалокат туфайли икки ўзбекистонлик ҳалок бўлди…
Россиянинг Новосибирск шаҳрида жойлашган Ўзбекистон бош консуллиги хабарига кўра, 30 август куни юк машинаси енгил автомобил билан тўқнашиб кетган. Тўқнашув Омск вилояти Москаленск туманидаги автомобил йўлида содир бўлган. Оқибатда уч киши ҳалок бўлди. Уларнинг икки нафари ўзбекистонлик муҳожир ҳисобланади. Яна икки киши турли даражада жароҳатлар олди. Ҳалок бўлган ҳамюртларимиз А. С. ҳамда Н. М. исмли муҳожирлар экани ҳақида маълумот берилган. Бундан ташқари, Г. С. ва М. А. исмли икки ўзбекистонлик жароҳат олди. Уларни Москаленск туман касалхонасига ётқизишган.
Маҳаллий ҳуқуқни муҳофаза қилиш ташкилоти вакилларининг айтишича, 49 ёшли ҳайдовчи бошқарувидаги «Ниссан Санни» автомобили Омск томонга кетаётганди. 717- километрда 31 ёшли эркак бошқаруви остидаги «ГАЗель» юк машинаси қарама-қарши томондан келиб, унинг йўлига кўндаланг бўлган. Натижада автомашиналар тўқнашиб кетган.
Яқин орада ушбу факт юзасидан жиноий иш қўзғатилади.
Ҳалок бўлган ҳамюртларимизни Оллоҳ раҳматига олсин! Уларнинг яқинларига сабр ато этсин. Омин! Оллоҳу Акбар!