Футболчылар утырган машина авариягә очраган, ике спортчы һәлак булган
12 октябрьгә каршы төндә Пермь-Екатеринбург юлында «Уралец – Тагильская сталь» футбол клубы уенчылары утырган машина авариягә очрый. Евгений Ситников урында ук үлә. 1 ноябрьдә Кирилл Кочетов та хастаханәдә вафат була. Бу турыда РЕН ТВ хәбәр итте.
Клубның матбугат хезмәте белешмәсе буенча, Кирилл авариядән соң аңына килмичә үлеп киткән.
«Кирилл көрәште, ләкин, кызганычка каршы, травмалары тормыш итәргә бирмәде», – диелә хәбәрдә.
«Амкар Пермь» һәм «Уралец-ТС» футбол клублары мәрхүмнең туганнарына ярдәм итәчәк.