Эсседә сөт әчемәсен өчен нишләргә?
Җәйге эсседә суыткыч ватылса, сөт әчемәсен өчен ысул киңәшләр сайтында чыкты.
Сөтне пыяла савытка салыгыз. Киң табакка күп итеп салкын су салыгыз, сөтле банканы шуның эченә утыртыгыз.
Банка өстенә юеш тастымал каплагыз. Тастымал кырыйларын суга төшерегез.
Тастымалны юешли торган сыеклык гел парга әйләнә. Шул сәбәпле, сөт тә әчеми торган температурага кадәр суынып тора, диелә хәбәрдә.