Универсиада авылында фаҗига булган
Бүген, 27 май иртәсендә, Казанның Универсиада авылында фаҗигале хәл булган.
"Казань" телерадиокомпаниясе хәбәр итүенчә, Универсиада авылында Казан (Идел буе) федераль университетында белем алучы кызның үле гәүдәсе табылган. Фаҗиганең ни сәбәпле килеп чыгуы әлегә тәгаен билгеле түгел. Кайбер фаразлар буенча, аның үз-үзенә кул салган булуы да ихтимал. 14 катлы 3 нче йорт янында хокук сакчылары эшли.