Тәүге 49 хаҗи тәүдә Тукай мәчетендә җыелды. Аларга чит илдә үзеңне ничек тотарга, хаҗ кылу үзенчәлекләре турында сөйләделәр. Булачак хаҗиларга виза белән паспорт, Мәккә һәм Мәдинәгә хаҗ кылу үзенчәлекләре турында китаплар да бирелде. Хаҗилар Мәккәгә бер тәүлектән барып җитәчәк. 12 августка тиклем хаҗиларның тагын өч төркеме юлга чыга. Быел Русиядән изге урыннарга сәфәр кылырга теләүчеләрдән 1600 кеше Мәккәгә Башкортстан туроператоры аша барачак.
