Татарстан прокуроры Илдус Нәфыйков экстремистик һәм милләтче оешмалар вәкилләрен, төрле дәрәҗә хезмәткәрләрне татар телен укыту белән бәйле вазгыятьне дөрес кабул итмәүдә һәм вазгыятьне какшатырга тырышуда гаепләде. Прокурор экстремистик гамәлләргә катгый чаралар күрү белән янады.
19 гыйнвар көндез Алабуга шәһәре һәм "Алабуга" махсус икътисди зонасы корылмалары утсыз калды. Берничә сәгатьтән электр тәэминаты тергезелгән диелә.
Русиянең Конституция мәхкәмәсе Алексей Навальныйның гаепләү карарлары гамәлдән чыгарылмаган килеш президент сайлавында катнашуны тыючы канунга шикаятен караудан баш тартты.
19 гыйнварда Тукай районының элеккеге башлыгы Таһир Харматуллин сак астына алынды. Ул җир бүлеп биргәндә канун бозуда һәм вазифалары кысаларыннан чыгуда шикләнелә.
Татарстан мәгариф министрының беренче урынбасары Илсур Һадиуллин матбугат очрашуында татар телен укытуны камилләштерү юллары турында кыскача әйтеп узды.
Татарстан мәгариф министрының беренче урынбасары Илсур Һадиуллин, балалар бакчаларында татар теле калачак, ләкин бакча моны үзе ата-аналар белән бергә хәл итәчәк, дип белдерде.
Төньяк Осетиянең мәгариф һәм фән министры Ирина Азимова беренче тапкыр мәктәпләрдә осетин телен укыту мәсьәләсен күтәреп, бу тел беркайчан да факультатив булмаячак, дип белдерде.
Петербурда 15ләп кеше кырымтатарларны эзәрлекләүне туктатуны һәм Русия белән Украина арасында халыкара танылган чикләрне тергезүне таләп итеп, Нева проспектына чыкты.
Җомга иртән Улан-Удэнең бер мәктәбенә яшүсмер кулына балта һәм "Молотов" коктейле тутырылган шешә тотып бәреп кергән. Һөҗүм нәтиҗәсендә дүрт кеше яраланган.
19 гыйнварга каршы төндә керәшеннәр Казанның Аракчино бистәсендә хач ману гыйбадәтен үткәрде. Алар моны бәкегә чуму гына түгел, ә күңелне, уйларны чистарту йоласы дип бәяли.
Төбәкләрдәге табыш салымының бер процентын федераль үзәккә җибәрү яки урында калдыру, икътисадчы Таһир Дәүләтшин фикеренчә, әлегә беркайда да алай ук нык сизелми. Ул төбәкләрнең башка төр салымнар аша күпкә зуррак акчаларны югалтуы, үзәкнең Татарстан һәм Башкортстан кебек уңышлырак эшләүче төбәкләрне тагын да ныграк таларга җыенуы турында кисәтә.
