22 июнь Башкортстанның Дүртөйле шәһәрендә татар һәм башкорт язучыларының уртак түгәрәк өстәле узды. "Тел язмышы кем кулында, язучы?" дип аталган чарада катнашучылар туган телләрне ихтыярига калдыручы канун өлгесе турында фикер алышып, туган телләрне саклау һәм үстерү, аларны өйрәнүнең әһәмияте турында сөйләштеләр.
22 июньдә Зәй шәһәрендә торак йортта шартлау булган. Татарстанның гадәттән тыш хәлләр министрлыгы хәбәренчә, биш катлы йортның бишенче катындагы фатирда газ баллоны шартлаган.
22 июнь Казанның Идел буе мәхкәмәсе Татарстанның Биектау районы мәчетенең элекке имамы Айрат Шакировка карата административ эшне туктатты.
Татарстанда "Гыйбадәт кылулар һәм дини йолалар уздыру турында нигезләмә" яңартылачак. Бу хакта 22 июнь Казанда узган Татарстан мөселманнары диния нәзарәте голәма шурасының чираттагы утырышында фикер алышу булды.
Татарстан Дәүләт шурасы вице-спикеры Юрий Камалтынов республика президент атамасын кануни нигездә саклап калды дип саный.
Казанда җәй көннәрендә гадәти лагерьлардан тыш хосусый балалар бакчалары да җәйге аланнар оештыра башлады. Азатлык балаларны кунмыйча гына йөртә алган, татар рухлы аланнарны барлады.
Татарстан Дәүләт шурасының 21 июньдә язгы сессиянең соңгы утырышы булуга карамастан, депутатлар кабат җыелып пенсия реформасы турында фикер алышачак.
Башкортстан корылтаеның 54нче утырышында депутатлар республиканың дәүләт байрагы һәм гимнын куллану кагыйдәләренә үзгәрешләр кертү өчен тавыш бирде. Документка ярашлы Башкортстан байрагы республиканың барлык мәктәп биналарында яки ишегалларында һәрвакыт эленеп торачак.
Татарстан президенты Рөстәм Миңнеханов күптән түгел барлыкка килгән ике министрлыкка җитәкчеләр билгеләде. Яшьләр эшләре министры итеп Дамир Фәттахов, спорт министры итеп Владимир Леонов расланды.
Украина Русиянең берничә сәяси фиркасенә, Үзәк сайлау комиссиясенә һәм Ротенберглар гаиләсенә чикләүләр кертте. Бу хактагы фәрманны 21 июньдә президент Петр Порошенко имзалаган.
21 июнь Кизләүдә кырымтатар шагыйре Эшреф Шемьи-заденың 110 еллыгына багышланган чара узды. Шагыйрьне искә алучылар аның золым корбаны, халкының тугры улы булганы хакында сөйләп, аңа һәйкәл куярга тәкъдим иттеләр.
Татарлар Польша җирендә инде 600 елдан артык яши. Казанда әлеге тарихны чагылдырган күргәзмә эшли.
14 июнь-15 июль көннәрендә Русиядә дөнья футбол беренчелеге уза. Русия мондый чемпионатны беренче тапкыр оештыра. 64 уенның алтысы Казанда уйнала. Азатлык шушы вакыйганың иң кызыклы мизгелләрен җанлы блогта теркәп бара.
