24 август иртәдән Чаллыда яңгырлы булды. Шуны истә тотып, “Печән базары” чарасы алдан билгеләнгән Тукай яр буе урамыннан “Энергетиклар” мәдәният йортына күчерелде. Шушы сәбәпләр аркасындамы, Казандагы “Печән базары” күпкә яхшырак узды диючеләр дә булды.
Күптән түгел Берлинда тоткарланган русияле Магомед-Али С. тумышы белән Башкортстаннан дип белдерә Bild басмасы. Ул террор гамәле әзерләүдә шикләнелә.
Аннексияләнгән Кырым тикшерүчеләре кырымтатар шагыйрәсе Алие Кендже-Али шигырьләрендә җинаять тапмаган. Шигырьләрне "нацизмны аклау" маддәсе нигезендә тикшергәннәр иде.
Русиядә сәяси фиркаләр һәм намзәтләр төбәк сайлауларына зур кызыксыну белдерми. 16 төбәктә сентябрьдә узачак парламент сайлауларында намзәтләр саны биш ел элек белән чагыштырганда ике тапкырга кимрәк.
Республика парламенты депутаты булыр өчен теркәлгән намзәтләр арасында татар оешмалары рәисләре дә бар.
Башкортстан киностудиясенә Әмир Абдразаков исемен бирү карары игълан ителде. Ул 1990 елда киностудияне оештыручы һәм аның беренче мөдире дә була. Киностудия аның үз улларына багышланга төшерә башлаган “Канатларым минем” фильмын төшереп бетерергә дә вәгъдә итә.
Җәмәгать эшлеклеләре, адвокатлар, журналистлар "Алтын Урда" хәрәкәте җитәкчесе, колониядә утыручы Данис Сәфәргалине яклауны сорап, АКШ, Британия, Германия, Франция, Япония, Төркия, Канада җитәкчелегенә мөрәҗәгать итте.
23 август "Яңа дөнья" кырымтатар газетасының баш мөхәррире Зера Бекирова гариза язып вазифасыннан китте. Аның белән тагын берничә хәбәрче киткәне мәгълүм.
Украина 24 августта бәйсезлек көнен хәрби парад белән билгеләде. Ил президенты Петр Порошенко парадта чыгыш ясап, Украинаның Европа берлегенә һәм НАТОга кушылырга омтылуын констиуциягә кертү өчен тырышачакмын дип белдерде.
24 августта Франциянең Канн шәһәрендә Сабантуй уза. Ул Русия сәнгате көннәре кысаларында оештырыла.
Президент Владимир Путин Идел буе федераль бүлгесендә президент вәкиле булган Михаил Бабичны Русиянең Беларустагы илчесе итеп билгеләү турындагы фәрманга кул куйды.
Казанның Камал театрында Салават Фәтхетдиновның "Күңел көзгесе" исемле 30нчы сезон концерты 22 августта тәмамланды. Халык артисты әлеге тамашада татар теленең мәктәпләрдән чыгарылу, пенсия яше, милли үсеш проблемнарын сәхнә геройлары аша әйттерде, азактан үзе җөпләп куйды. Азатлык хәбәрчесе дә әлеге концертта булып, Салават әфәнде, тамашачылар белән сөйләшеп кайтты.
