22-февралга караган түнү теги сербиялык киши АКШнын Подгорицадагы элчилигине граната ыргытып, кийин өзүн өзү жардырып жиберди. Дипмиссияда иштегендерден эч ким жабыркаган жок. Окуяны иликтөөгө АКШнын атайын кызматы да катышууда.
"Эл аралык мунапыс" уюму АКШнын президенти Доналд Трампты жана дүйнөнүн башка лидерлерин айыптады. Бул укук коргоочу уюмдун жаңы жарыяланган жылдык баяндамасында Трамп баштаган саясий лидерлер адам укуктарына көңүл бурбастан, башка өлкөлөр үчүн “коркунучтуу өнөкөт” жаратып жатканы айтылган.
Москванын аймактык аскер соту Тажикстандын алты жаранын 12 жылдан 18 жылга чейин эркинен ажыратты. Алар 2016-жылдын августунда борборго жакын Люберцы шаарында кичиавтобусту жардырууга аракет кылган деп айыпталды. Тергөө алардын баары өзүн "Ислам мамлекети" атаган топтун мүчөлөрү деп билдирген. "Ал уюмга кирүү үчүн аларга теракт уюштуруу сунушталган", деп билдирди соттун маалымат кызматы. Ошондон кийин алар кичиавтобусту жардырууну чечип, челекке салынган жардыргыч затты таштап кетишкен делет. Читать дальше...
21-февралда өзбекстандык укук коргоочу, активист Исраил Халдаров абактан чыкты. Ал ушул эле күнү үйүнө келгенин "Азаттыктын" өзбек кызматына анжияндык укук коргоочу Саиджахон Зайнобиддинов кабарлады. Халдаров 2003-жылдан тарта оппозициялык "Эрк" партиясынын Анжиян облустук бөлүмүн да жетектеген. 2005-жылдын 13-майындагы кандуу окуядан кийин ал шаардагы чыныгы абал тууралуу коомчулукка маалымат жеткирип турган. Анын ичинде Бабур аянтында өлтүрүлгөн адамдар көмүлгөн жайды да айтып берген. Ошол... Читать дальше...
Чехиянын Йиржице аймагында адаттан тыш түрмө иштей баштады. Бул жерде темир тор жок, курал кармаган кароолчуну да көрбөйсүз. "Биз жана дүйнө" берүүсүндө дал ушул “Ачык түрмө” долбоору жөнүндө айтып беребиз. Ошондой эле Кыргызстанда жазасын өтөп чыккандар абактан кийинки жашоосун кандай улап кетээрин да талдайбыз.
22-февралдын түнүндө Черногория борборундагы АКШ элчилигине граната ыргыткан адамдын тек-жайы аныкталды. Жергиликтүү прокуратура жана полиция шектүү 1976-жылы Сербияда туулган Далибор Яукович деп маалымат таратты. Тергөөчүлөр ал киши "жарылма куралды иштеткенден, аны элчилик тарапка ыргыткандан кийин жарылуудан өлгөн" деп болжолдоодо. Ал М75 үлгүсүндөгү гранатаны жардырган. Ошол аймакта жашагандар эки жарылуунун үнүн угушканын жергиликтүү медиа кабарлады. Өлкөдөгү негизги басылмалардын бири Vijesti... Читать дальше...
Ирактагы качкындар лагеринде табылган Мариямдын Тажикстандагы туугандары аны мекенине кайтарууга аракет кылышат. 10 жаштагы кыз Мосул шаарындагы бомбалоодо ата-энесинен, бир туугандарынан ажыраган. Коңшу өлкөдө социалдык сайттарда тажик бийлигин тестиер кызды тезинен алып келүүгө үндөгөндөр көбөйдү.
Ош облусунун Кара-Суу районунда тамакка ууланып, ооруканага түшкөн наристелердин дагы бирөө чарчап калды. Ош облустук балдар ооруканасынын өкүлдөрү "Азаттыкка" билдиргендей, 21-февралда түн ичинде чарчап калган бала эки жашта болчу. Кара-Суу районунда уулануунун белгилери менен он эки киши 13-февралда ооруканага түшкөн. Алардын бешөө балдар. Уулангандар бешик тойдо шире ичип, манты жегенин жакындары айтышкан. 17-февралда тамактан ууланган эки жарым жашар бала чарчап калган. Учурда Кара-Суу райондук... Читать дальше...
19-февралда Казакстандын президенти Нурсултан Назарбаев латын арибине негизделген жаңы алфавитти кайра бекитти. Былтыр октябрь айында расмий кабыл алынган алфавиттин биринчи вариантындагы апостроф белгиси эми алып салынды. Коңшу өлкө 2025-жылга чейин латын арибине ырааттуу түрдө толук өтүүнү көздөйт.
Сирия өкмөтүнүн жана анын өнөктөштөрүнүн аскер учактары бешинчи күнү да Чыгыш Гута аймагына сокку урду. Адам укуктарына байкоо салган "Сирия обсерваториясы" 22-февралда эле Чыгыш Гутага 300 снаряд атылып, 13 киши өлгөнүн, жарадарлар жүздөн ашып кеткенин билдирди. БУУнун баш катчысы Антонио Гутерриш аймактагы эл "тирүүлөй тозокто" жашап жатканын айтып, бардык аскердик аракеттерди тез арада токтотууга чакырды. Бул пикирди уюмдун Сирия боюнча өкүлү Стеффан де Мистура да кайталады: - Улуттар Уюмунун... Читать дальше...
Чаткал районунун Чакмак-Суу айылынын тургундары айылга жакын дарыянын жээгине "Кичи-Чаарат" компаниясы калдык сактоочу көлмө куруп жатканына каршы чыгышты.
Коррупцияга каршы күрөш боюнча мамлекеттик саясатты аткарууда жакшы жыйынтыктарды көрсөтө албаган бир катар мекемелердин жетекчилери тартиптик жазага тартылды. Мындай чечим өкмөттүн 22-февралдагы жыйынында кабыл алынды. Ага ылайык, Архитектура, курулуш жана турак жай-коммуналдык чарба мамлекеттик агенттигинин статс-катчысы Самат Бөрүбаевге жана Финансы рыногун жөнгө салуу жана көзөмөлдөө мамлекеттик кызматынын статс-катчысы Абдухалык Шамшиевге сөгүш жарыяланды. Саламаттык сактоо министри Талантбек Батыралиевге... Читать дальше...
Эл аралык мунапыс уюму АКШ президенти Дональд Трамп жана дүйнөнүн башка лидерлери кооптуу өбөлгө түзүүдө деп эскертти. Уюмдун жаңы жарыяланган жылдык баяндамасында алар адам укуктарына көңүл бурбай жатышканы айтылган. Пакистандын мурдагы премьер-министри Наваз Шариф кызматтан четтетилгенине байланыштуу бийликтеги партиянын лидери боло албайт. Мындай чечимди сот кабыл алды. Ирактагы качкындар лагеринде табылган 10 жаштагы Мариямдын Тажикстандагы туугандары аны мекенине кайтаруу аракетин көрүшөт.
Чаткал районунда жайгашкан Беш-Арал мамлекеттик жаратылыш коругунун директорунун милдетин аткаруучу Мирлан Асанов жумуш учурунда коруктун башкы кеңсесинде спирттик ичимдик ичип, мас болуп жүргөндүгү үчүн жазага тартылат. Бул тууралуу коруктун директору Райкан Аманкулов “Азаттыкка” билдирди. 21-февралда коруктун башкы кеңсесине жергиликтүү тургундар менен журналисттер барган учурда директордун орун басары жана убактылуу жетекчилик кызматты аткарып жаткан Мирлан Асанов иш бөлмөсүндө мас абалда отурганына күбө болушкан. Читать дальше...
Чаткал районунун Башкы-Терек жана Коргон-Сай айылдарына эки жыл мурда кен казуучу компаниялардын эсебинен курулуп, пайдаланууга берилген таза суу түтүктөрү жараксыз болуп калды. Бул тууралуу жергиликтүү тургун Шекербек Муратбеков бүгүн “Азаттыкка” билдирди. Анын айтымында, Коргон-Сай айылына 2016-жылы таза суу чыгаруу үчүн элдин суранычы менен “Чанач” кен казган компаниясы 1,8 млн. сом каражат берген. Кийин ал сумма жетпей калгандыктан былтыркы жылы райондун өнүктүрүү фондунан дагы кошумча 2 млн. Читать дальше...
Жогорку сот бүгүн президент Сооронбай Жээнбековдун журналист Кабай Карабековго койгон доосу боюнча ишти карап, Свердлов райондук соту менен Бишкек шаардык сотунун чечимин күчүндө калтырды. Бул тууралуу Карабеков өзү “Азаттыкка” билдирди. Соттун чечимине ылайык, эми Карабеков Жээнбековго 5 млн. сом төлөп бериши керек: - Коллегиялык соттун отуруму он мүнөткө да жеткен жок. Биздин жүйөлөрдү кыпындай да эске алышкан жок. Менин макаламда "бир тууган Жээнбековдор" деп жалпы жазылган, а Сооронбай Жээнбеков эмне үчүн өзүнө алып... Читать дальше...
Ташкент облустук соту "каржы пирамидасын" түзүп, көз боемочулук кылганы үчүн ишкер Ахмад Турсунбаевди 13 жылга кести. Дароо эле мунапыс менен жазасынын төрттөн бири кыскартылды. Турсунбаев 2016-жылы кармалган. Өзбек тергөөчүлөрүнүн маалыматында, ишкер жергиликтүүлөр арасында Ахмадбай деген ат менен таанылган. Жылына 100-200% үстөк кошуп кайтарууга убада берип, элден акча, машине жана башка мүлктөрдү алып турган. Ага он миңдеген адам каражат бергени, бирок айтылган киреше тургай, тапшыргандарынын өзүн ала албай калышканы тергөөдө айтылган. Читать дальше...
Бишкек жылуулук электр борборундагы аварияны жана ЖЭБди жаңылоону иликтеген депутаттык комиссиянын өкүлү, Жогорку Кеңештин депутаты Акылбек Жамангулов “Азаттыкка” комментарий берип, иликтөөдө белгилүү болгон айрым жагдайларды ачыкка чыгарды: - Бул жерде өтө көп талаш маселе бар. Мына, мисалы, техника-экономикалык негиздемени даярдоого, Кытайдан келген адистерди жайгаштырганга, ташыганга, андан сырткары жабдууларды алып келгенге эле 12 млн. доллар акча жумшалыптыр. 18 млн. доллар административдик чыгымдарга кетиптир. Читать дальше...
Жогорку Кеңештеги "Кыргызстан" фракциясынын депутаты, Казакстанда аткезчиликке шектүү катары кармалган Дамирбек Асылбек уулунун казак жарандыгы да бар экени ырасталды. Буга байланыштуу Казакстандын Тышкы иш министрлиги Кыргызстанга нота жиберди. Бул маалымат кыргыз коомчулугунда башка өлкөнүн жарандыгын алган киши кантип депутат болгон деген суроолорду пайда кылды.
Президентке караштуу Дин иштери боюнча мамлекеттик комиссия экс-муфтий Чубак Жалиловдун Ноорузду майрамдоого каршы сөздөрүн кескин айыптап чыкты.
Орусиялык оппозициячы Алексей Навальныйды Москвада полиция кармап кетти. Саясатчы бүгүн тиш доктурдан чыгып келатканда кармалганын "Твиттердеги" барагына жазды. Андан жарым саат мурда Навальныйдын федералдык штабынын башчысы Леонид Волков аэропорттон кармалган. Ал оппозициячынын тарапташтары жана ыктыярчылар менен жолукканы Уфага учмак. 20-январда Москвадагы райондук сот Навальныйдын Коррупцияга каршы күрөш фондунун жетекчиси Роман Рубановду 10 суткага камакка алган. Ал 28-январда өткөн, шайлоого... Читать дальше...
Түндүк жана Түштүк Кореянын бириккен хоккей командасын машыктырган Сара Мюррей бейшембиде маалымат жыйынын өткөрүп, оюнчулары менен сыймыктанып турганын билдирди. Ал хоккейчилердин бирөө эле каршы болсо жамаатка өтө кыйын болмок деген пикирин айтты. - Башында "Түндүк келатат" дегенде оюнчулар сыяктуу мен да аз-маз каршы болгом. Бирок алар келип, биздин оюнчулар менен музга чыгар замат теңтайлаша аларын, ойногусу, үйрөнгүсү келерин көрсөтүштү. Ошон үчүн биз да аларды үйрөткүбүз келди, - деди Мюррей. Читать дальше...
Германиянын өнүктүрүү банкы Кыргызстан менен достукту чыңдоо программасынын алкагында 15 "Тез жардам" унаасын акысыз берүүнү чечкен. Тендер жарыяланып, Нидерланиядын Dutch Health компаниясы 2017-жылдын жай айларында машинелерди Кыргызстанга алып келмек. Ар түрдүү себептерден улам машинелер кечигип, декабрда гана Бишкекке келди. Бирок алардын бардыгы колдонулбай, гаражда чаң басып турат.
Бишкек шаардык сотунун чечими күчүнө киргенине байланыштуу депутаттык мандатынан ажыратыла турган оппозициячыл саясатчы Аида Салянова “Азаттыкка” маек курду. Анда Салянова парламенттен кийинки ишмердиги, өзүнө карата тагылган айыптар жана учурдагы коомдук-саясий абал боюнча көз карашын айтты.
Ооганстандын түштүк ыптасындагы эки жердеги кол салуудан кеминде он киши курман болду. Окуя бүгүн Газни жана Забул провинцияларында болгонун жергиликтүү бийлик билдирет. "Тилекке каршы, сегиз полициячы өлтүрүлүп, дагы бири жарадар болду", деди Газнинин губернаторунун өкүлү Ариф Нори. Ал Дех Як районундагы өткөрмө бекетке "Талибандын" жоочулары кол салганын да айтууда. Алардын арасында да өлгөндөр бар. Азырынча канча киши мерт болгону белгисиз. Талибдердин өкүлү Забихудда Мужахид жоочулар жергиликтүү полициячылардын бирөөнү туткундап... Читать дальше...
