Жалал-Абад: Абактагы ишкер "саясий куугунтукка" кабылганын айтты
6-февралда Жалал-Абад шаардык сотунда 10 айдан бери абакта жаткан ишкер Бакыт Борошовдун ишин караган сот күбөлөр толук келбегендиктен 15-февралга калды. Ишкер сот залында туруп, ага козголгон кылмыш ишин "саясий куугунтук” деп айтты. Былтыр 25-октябрда Кылмыш-жаза кодексинин “Өзүм билемдик” беренеси менен иш козголуп кармалган. Ал кармалардан мурун УКМКнын төрагасы Камчыбек Ташиевге социалдык тармактардан видеокайрылуу жолдоп, ишкерлерге кысым болуп жатканын айткан жана “башаламандыкты токтотууга” чакырган.