Құлсарыда судың беті қайтып, тасқын құлатқан баспаналар үйіндіге айналған. 70 жастағы Амангелді Әбішев пен 63 жастағы Айгүл Ыстыбаева құлаған үйін көруге жиі келеді. «Ұзақ жыл пәтер жалдап, әрең соққан үйіміз еді, қартайғанда тағы да баспанасыз қалған ауыр екен» деп кемсеңдейді.
Павлодар облысы Майқайың кентінің кейбір тұрғыны биліктен көшіруді сұрайды. "Шанхай" шағынауданының жұрты алтын кенішіндегі қазба жұмыстары кесірінен баспаналарының іргесі сөгіліп, қабырғасы опырылып жатқанын айтады. Әкім "алаңдауға негіз жоқ" дейді.
16 сәуір күні Қазақстан президенті Қасым-Жомарт Тоқаев қазақстандық Forbes тізіміндегі кәсіпкерлер су тасқынынан зардап шеккен "әр облыс, аудан мен ауылға" қамқоршы ретінде бекітілетінін мәлімдеді. Әр кәсіпкерге "нақты жауапкершілік артылады" деп қосты Тоқаев. Кәсіпкерлердің ешқайсысы оған қарсы келген жоқ, бірнешеуі миллиардтаған ақша аударуды бастап та кетті. Ал Азаттық пікір сұрап хабарласқан сарапшылар "олардың басқа амалы болмағанын" айтады.
Қазақстанның біраз өңірін су алып жатқан шақта президент пен әкімдерді сынап, наразылық білдіргендер көп болды. Биліктен жедел әрекет талап етіп, жолды жапқандар "заңсыз митинг" үшін айып арқалады. Қазақстан президенті Қасым-Жомарт Тоқаев "қоғамға іріткі салатын әрбір әрекетке тосқауыл қоямыз" деді. Төтенше жағдай кезінде биліктің қоғаммен қарым-қатынасы қалай болды?
