13 мамырда Алматы соты журналист Жәмила Маричеваның ProTenge Telegram арнасында Азаттық радиосын қолдап жазған жазбасын "жалған ақпарат" деп тауып, авторға 74 мың теңге айыппұл салды. Арыз берген полицей жазбаның қай тұсы "жалған" екенін білмей шатасты. Ал заңгер мен журналист мұны "сөз еркіндігіне қысым" деп біледі.
"Азаматтық некедегі әйелін өлтірді" деп айыпталған бұрынғы ұлттық экономика министрі Қуандық Бишімбаев пен оның "қылмысты жасырды" деп айыпталған туысы Бақытжан Байжановқа шыққан үкімді қоғам әртүрлі қабылдады. Жәбірленуші тарап сот ұйғарымына "келіссе", феминистік белсенділер "өмір бойы түрме жазасына кесуді" талап етіп көшеге шықты. Ал құқық қорғаушылар үкімге "қоғам пікірі мен істің саяси жағы әсер етті" дейді.
Атыраудан өтетін Жайық өзеніндегі су қауіпті межеден асты. || 13 мамыр күні Алматы қаласының ортасында шеру өткізген феминист белсенділер "бейбіт митинг өткізу тәртібін бұзды" деген күдікпен полицияға шақырылды. || Шығыс Қазақстан облысындағы Маралды ауылының тұрғындары президентке үндеу жолдады.
Алматы облысында былтыр желтоқсанда 49 жастағы әйел антибиотик салдырған соң көз жұмды. Оның ағзасы дәріге аллергия берген. Марқұмның туыстары «бес ай өтсе де, қазадан соң қозғалған істен хабар ала алмай отырмыз» дейді.
