Қизиқарли маълумотлар: Гўзаллик қурбонлик талаб қилади (+фото)
Гўзаллик идеал даражада бўлиши учун замонавий одамлар операция столига ётишга тайёр, жарроҳлар эса одамларда таниб бўлмас даражада мўжиза содир этишади. Бироқ, бундай операцияларни қилдиришдан олдин, мода тез ўзгарувчан эканлигини унутиб қўйманг.
Кафтдаги чизиқларни ўзгартириш
Японияда хиромантия ҳозирги кунларда ҳам тақдирни билишнинг машҳур фол очиш усулларидан бири, одамлар эса тақдирларини ўзгартиришнинг янги йўлини топди. Бу жуда оддий, шунчаки кафтдаги чизиқларни ўзгартиришади. Бунга керак бўладиган нарса пластика жарроҳи, электрик скалпел ва бироз хиромантия билимлари. Жараён одатда 15 дақиқа вақт олади, бу вақтда 5-10 тагача чизиқлар ўзгартирилиши мумкин
Кўзни ўзгартириш
Косметик жарроҳлик аёл танасининг деярли ҳамма жойини ўзгартириши мумкин. Шунга қарамасдан ҳозиргача ягона ўзгармайдиган нарса кўзлар қолган эди, унинг рангини игна билан ҳам ўзгартириб бўлмас эди. Кўз рангини ўзгартирмоқчи бўлганлар шунчаки линза тақар эди. Бироқ шифокор Кеннет Розентал кўзнинг турли дефектларини ўзгартириш йўлини топди (гетерохромия, кўз албинизми ва ҳ.з.), шу билан бир қаторда кўз камалаги қатламига сунъий имплантацияни ҳам. Бундан кўз рангини ўзгартирмоқчи бўлган одамлар фойдаланади. Сунъий камалак бу токсик бўлмаган, кўз линзаларида ишлатиладиган, хавфсиз силикондан ясалган. У эгилувчанлиги сабабли, уни буклаб, кичик кесим орасидан киргизиб, кейин кўз устига ёйиш мумкин. Brightocular веб-сайтига қараганда, жараён “тез, хавфсиз ва оғриқсиз” ва ҳар бир кўз учун атиги 15 дақиқадан олади. Шу билан бирга BrightOcular хабар беришича имплант керакли ҳолларда ёки пациентнинг хоҳишига кўра исталган пайтда олиб ташланиши мумкин.
Оёқ коррекцияси
Косметик жароҳлик оёқларга ҳам етиб борди. Шифокор Oliver Zong NYC Footcare жарроҳлик директори оёқнинг танланган жойлари жарроҳлигида мутахассис. Шунга қарамасдан Zong “оёқни чўзиш” операцияларини ҳам ўтказади, у ўз ичига, оёқ бармоқларини қисқартириш йаъни уларнинг кўринишини яхшилаш операцияларини ҳам олади. Нью-Йоркнинг Footcare клиникаси бу соҳада ёлғиз эмас. Оёқ хирурияси, бармоқларни калталатиш ва ёғни чиқариб олиш йилига 45 миллион доллар даромад келтиради. Аммо баъзи шифокарлар бундай операцияларни этика тўғри келмайди ва оқибатлари ёмон бўлиши мумкин деб ҳисоблайди. Масалан, нотўғри операция қилинганда оёқ бармоқларининг деформацияси юз бериши шулар жумласидандир.
Покерфейс
Покернинг профессионал ўйинчилари ҳиссиз юзни сақлаб қолиш қанчалар муҳимлигини жуда яхши билишади. Нью-Йоркли доктор Жек Берди “Pokertox” деган хизматни таклиф этади. Жараён шундан иборатки, юзнинг ҳиссиёт ва туйғуларни кўрсатадиган жойларига ботекс сепиб чиқилади ва мижоз нимани ҳис қилаётганини билиб бўлмайди. Бундай операция ўртача 600$ дан 800$ гача нархланиши мумкин, натижа эса 3 ойдан 4 ойгача сақланиб қолади.
Оғиз бурчакларини кўтариш
Ушбу тенденсия Осиёда жуда машҳур бўлди. Бу лаблар четларини кичкина кесиб, натижада оғиз бурчакларини кўтарилишидан иборат. Бундай косметик хирургия лаб четлари пастга қараган мижозларда кенг қўлланилади.
Қовоқларни йўқотиш
Жанубий Корея аёллари ғарб маданиятига шунчалик берилиб кетганки, икки қовоқ операцияларини қилиб, ғарблик одамларга ўхшашга ҳаракат қилмоқда. Бу операция, тиш шифокорига боргандек осон бўлиб қолди. Бундан ташқари Жанубий Корея Бразилядан ўзиб кетиб, киши бошига қилинадиган операциялар сони бўйича ошиб кетди. Ушбу жарроҳлик операцияси кўзнинг юқори бурчакларини кесиб, уларни каттароқ ва думалоқроқ қилишдан иборат.