РАМЗАН ҚОДИРОВ КАРАНТИН ТАЛАБИНИ БУЗГАНЛАРГА КЎЧА СУПУРТИРИШНИ ТАКЛИФ ҚИЛДИ…
Чеченистон президенти Рамзан Қодиров кўчаларда карантин қоидаларини қўпол равишда бузиб, автомобилда «катайса» қилаётганларни тутиб, машинасини жарима майдончасига қўйиш, ўзларини эса кўча супуртириш зарурлигини айтди. Умуман айтганда, Қодиров коронавирусга қарши карантин қоидалари янада кескинлаштирилиши тарафдори эканини яширмаяпти.
— Агар одатий ҳаётга қайтишни истасак, — деди у. — Болаларни уйдан чиқармайлик. Шунчаки кўнгилхушлик учун автомобилда «катайса» қилаётганларнинг машинасини тортиб олиб ўзларини кўча супуртиришни таклиф қиламан. Бориб касалхоналарни тозалашсин, оғир ишларда ишласин. Токи, кейинги сафар қоида ва талабларимизни ҳурматласин…