Фарзанди боғчага борадиган аёлларнинг иш вақти қисқартирилади
Боғчаларда ҳам навбатдан ташқари таътил эълон қилинди. Унга кўра, фарзанди боғчага борадиган аёлларнинг иш вақти қисқартирилади. Бу ҳақда Мактабгача ва мактаб таълими вазирлиги хабар берди.
Қайд этилишича, 10-18 январь кунлари навбатдан ташқари таътил эълон қилинди.
Шу муносабат билан мактабгача таълим ёшидаги (3-7 ёшли) болалари бор, бюджет ҳисобидан молиявий жиҳатдан таъминланадиган муассасалар ва ташкилотларда ишлаётган аёлларнинг иш вақти қисқартирилади. Уларга ойлик тўловлар камайтирилмасдан тўлаб берилади.