Аномал совуқда уйсизларга қандай ёрдам кўрсатилади?
Юртимизда сўнгги 20 йилда қайт этилмаган аномал совуқ бошланди. Табиийки, ҳамма иссиқдан бошпана излайди. Аммо уйсиз одамларчи? Уларнинг аҳволи қандай кечади?
Тошкент шаҳар ИИБ ташаббус билан чиқди.
«Агар сиз кўчада бошпанасиз қолган фуқароларни кўрсангиз Тошкент шаҳар ИИББнинг (71) 206-49-14 рақамига ёки яқин орадаги ИИБга ёхуд 102 рақамига мурожаат қилишингизни сўраймиз. Тошкент шаҳар ИИББ томонидан улар учун бошпана ва иссиқ овқат ташкиллаштирилади.
Шунингдек, ижтимоий тармоқларда тарқалган телефон рақами ҳозирда Тошкент шаҳар ИИББ қошидаги “Меҳр саховат уйи”га тегишли эмаслигини маълум қиламиз», — дейилади хабарда.