ОФК президенти Ўзбекистон U20 терма жамоасини табриклади
Осиё футбол конфедерацияси президенти шайх Салмон бир Иброҳим ал-Халифа Ўзбекистон ёшлар терма жамоасини U20 Осиё кубогидаги ғолиблик билан табриклади.
«Осиё футбол оиласи номидан Равшан Ҳайдаров бошчилигидаги Ўзбекистон ёшлар терма жамоасини тарихий ғалаба билан чин юракдан табриклайман. Ишончим комил, ушбу ғалаба бутун Ўзбекистон футбол оммасини илҳомлантиради.
Шунингдек, ёшлар футболи учун қилаётган ишлар туфайли Ўзбекистон футбол ассоциацияси мақтовга лойиқ. Ушбу ғалаба эса қўйилаётган пойдеворнинг илк самараси ҳисобланади. Бу нарса келажакдаги катта ёшдаги терма жамоаларнинг натижаларида ҳам акс этади, деб ўйлайман.
Мусобақани ўтказишда ёрдам берган маҳаллий ташкилий қўмита ва ЎФАга ўз миннатдорчилигимни билдирмоқчиман. Ўзбекистон қитъа миқёсидаги турнирларга мезбонлик қилиш учун тайёрлигини яна бир марта намойиш этди.
ЎФАни яна бир марта олқишлашимиз керак. Ишончим комил, ЎФА футболчилар, ўйинчилар ва ишқибозларни тайёрлашда жаҳон даражасида ишлашда давом этади», — дея мактуб йўллади шайх Салмон.