«Ҳумо» Pro Hokei Ligasy халқаро чемпионатининг финал босқичида ўйнайди
Ўзбекистон спорт тарихида илк бор «Ҳумо» хоккей клуби Pro Hokei Ligasy халқаро чемпионатининг финал босқичига йўлланма олди ва 12 апрель куни Тошкентда бўлиб ўтадиган якуний баҳсда беллашади.
Тошкентнинг «Ҳумо» ва Астананинг «Номад» жамоалари чемпионатни ўтган йилнинг сентябрь ойида ўзаро ўйинлар билан бошлаган ва мавсумни Лига кубоги учун кураш билан якунлаганди.
Биринчи финал учрашувлари 2 ва 3 апрель кунлари Ўзбекистон пойтахтида ўтказилган бўлиб, биринчи ўйинда «Ҳумо» «Номад» устидан ғалаба қозонган бўлса, иккинчи ўйинда остоналиклар кучлироқ бўлиб чиқди.
Кейинчалик қарама-қаршилик Остонада давом этди ва мезбонлар том маънода «қанотли»лардан бирданига иккита ғалабани тортиб олишди. Айни дамда сериядаги ҳисоб 3:1 — «Номад» фойдасига.
Эслатиб ўтамиз, финал серияси тўртта ғалабага қадар давом этади ва 12 апрель куни бўлиб ўтадиган ўйин ҳал қилувчи бўлиши мумкин. «Номад» ғалаба қозонса, Лига кубоги соҳибига айланади. «Ҳумо» ғалаба қозонса, серия давом этади ва 6-ўйин учун Астанага йўл олади.
«Ҳумо» ва «Номад» ўртасидаги бешинчи учрашув 12 апрель куни «Ҳумо Арена»да бўлиб ўтади.