Байденнинг рейтинги 37 фоизга тушиб кетди
АҚШ президенти Жо Байденнинг фаолиятини маъқуллаш рейтинги 37 фоизга тушиб кетди. Бу унинг мазкур лавозимда қайд этган навбатдаги антирекорди ҳисобланади.
Маҳаллий аҳоли вакиллари орасида ўтказилган сўровнома натижаларига кўра, Оқ уй раҳбарининг фаолиятини маъқуллаш рейтингидаги кўрсаткичлар сўнгги 19 ой мобайнида 40 фоизни ташкил қилган, фақатгина ўтган йилнинг июль ойида кўрсаткич 38 фоизга тушган.
Демократларнинг 83 фоизи, республикачиларнинг эса бор-йўғи 4 фоизи Байденнинг фаолиятини маъқуллаб овоз берган.
Сўровномада америкаликлардан мамлакатдаги иқтисодий вазиятга баҳо бериш ҳам сўралган. Иштирокчиларнинг атиги 16 фоизи иқтисодий вазиятни яхши дея баҳолаган бўлса, 47 фоизи вазиятнинг ёмон эканлигини таъкидлаган. 19 фоиз аҳоли вазият яхши томонга ўзгаришига ишонч билдирган, 75 фоиз иштирокчилар эса бунинг тескарисини айтишган.