Лукашенконинг соғлиги ҳақида Москва хабардор эмас
Россия президенти Владимир Путиннинг матбуот котиби Дмитрий Песковнинг айтишича, Минск давлат раҳбарининг соғлиги билан боғлиқ муаммолар ҳақида хабар бермаган.
Лукашенконинг бетоблиги ҳақидаги маълумотни изоҳлар экан, Кремль расмий хабарларга эътибор қаратишини айтиб ўтди.
«Минскдан бундай расмий хабарлар бўлмаган» – деди Песков.
Эслатиб ўтамиз, аввалроқ Давлат Думасининг МДҲ ишлари, Евроосиё интеграцияси ва ватандошлар билан алоқалар қўмитаси раисининг биринчи ўринбосари Константин Затулин Беларусь президенти Александр Лукашенконинг бетоб эканлиги ҳақида маълум қилганди. Шу билан бирга, у Беларусь раҳбари саломатлигига жиддий таҳдид йўқлигини айтди. Январь ойида Лукашенко касаллиги ҳақидаги миш-мишларни инкор этиб, “яшашга” ваъда берган эди.