Кредит ресурсларидан унумли фойдаланиш лозим, акс ҳолда…
Банкларнинг кредит ресурслари муқаддам ажратилган кедит қарзларининг тасдиқланган график асосида қайтарилиши боғлиқ. Шундай экан маълум мақсадларда кредит олган тадбиркорларнинг бу борада ўз масъулиятларини ошириши, яна қайсидир тадбиркорнинг кредит ресурсларидан фойдаланишига хизмат қилади.
Бюронинг Мирзачўл тумани бўлими томонидан кредит қарздорликларини ундириш бўйича ижро ҳужжатларининг ижросини таъминлаш борасида муайян ишлар амалга оширилмоқда.
Жорий йилнинг ўтган даврида 322 дан ортиқ ижро ҳужжати бўйича 19,8 млрд. сўм қарздорлик банк фойдасига ундирилган.
Шунингдек, банклар фойдасига ундирувлар билан боғлиқ ижро ҳужжатлари бўйича жами 13 та 1,7 млрд. сўмлик мол-мулклар хатланиб, 6 та 930 млн. сўмлик мулклар электрон онлайн аукцион савдосига чиқарилган.
Жумладан, Бюронинг Мирзачўл туман бўлими иш юритувига Фуқаролик ишлари бўйича Жиззах туманлараро судининг 23.06.2021 йилдаги «ILB» маъсулият чекланган жамиятдан «Ипотекбанк» АИТБ фойдасига 1 млрд. 160 млн. 490 минг сўм кредит қарзи ундириш бўйича ижро варақаси 15.03.2023 йилда келиб тушган.
Давлат ижрочиларининг ижро ҳаракатлари натижасида мавжуд 1 млрд. 160 млн.490 минг қарздорлик жамиятдан тўлиқ ундирилди.
Келгусида ушбу пуллар қайсидан тадбиркорнинг истиқболли лойихаларини амалга оширишига ёрдам берса ажаб эмас.