«Реал» Мбаппе ва Холанднинг трансферидан бош тортди
«Реал Мадрид» трансфер сиёсатини ўзгартириши мумкин, дея хабар бермоқда Marca нашри.
Манбага кўра, испан гранди франциялик ҳужумчи Килиан Мбаппе ва норвегиялик форвард Эрлинг Холандни сотиб олишдан бош тортмоқчи. Мадридликлар жамоа келажагини шу футболчилардан бири атрофида қурмоқчи эмас. Энди бу ҳужумчилар трансфер бозорида «қаймоқранглилар» учун устувор аҳамиятга эга эмас.
Ўтган ёзда «Реал» Мбаппени қўлга киритишга уриниб кўрди, аммо 24 ёшли франциялик футболчи 2023/2024 йилги мавсумда «ПСЖ»да қолди.
Карло Анчелотти жамоаси тўртта ғалаба билан Испания чемпионатини бошлади ва турнир жадвалида биринчи ўринни эгаллаб турибди.