Рим Папаси Ғазо секторида ўт очишни тўхтатишга чақирди
Рим Папаси Франциск гуманитар сабабларга кўра Ғазо секторида зудлик билан ўт очишни тўхтатишга чақирди, деб хабар бермоқда DW.
«Ўт очишни тўхтатинг, тўхтанг, биродарлар, уруш доим мағлубият, доим, доим!», – деди понтифик кеча Ватикандаги Авлиё Пётр майдонида анъанавий якшанбалик ваъзи давомида.
Франциск инсонпарварлик ёрдами учун йўл очиш зарурлигига ишора қилди. Шунингдек, у Европа Иттифоқи, АҚШ ва Исроилда террорчи ташкилот сифатида тан олинган ҲАМАС ҳаракати томонидан гаровга олинганларни зудлик билан озод қилишни яна талаб қилди.