Польшада барча разведка хизматларининг раҳбарлари алмаштирилди
Польшадаги барча разведка хизматларининг раҳбарлари алмаштирилди, дея тасдиқлади бош вазир Дональд Туск. У янги бўлим бошлиқларини тайинлади.
Ҳукумат раҳбарининг сўзларига кўра, махсус хизматларнинг эски раҳбарларини ишдан бўшатиш тўғрисидаги қарор коллегияда махсус хизматлар бўйича муҳокамадан сўнг қабул қилинган. Бунда Республика Президентининг фикри ҳам ўрганилди.
«Мен Ҳарбий разведка хизмати, Коррупцияга қарши кураш марказий бюроси, Ички хавфсизлик агентлиги, разведка бошқармаси ва Ҳарбий аксилразведка хизмати раҳбарларини ишдан бўшатишга қарор қилдим», — деди Туск.
Эндиликда Ҳарбий разведка хизмати бошлиғи электрон разведка соҳасида катта тажрибага эга полковник Дорота Кавентская бўлади.
Коррупцияга қарши кураш марказий бюросига Агнешка Квятковска-Гурдак раҳбарлик қилади. Ички хавфсизлик агентлигини полковник Рафал Сириско бошқаради. Разведка хизматига полковник Павел Шота, Ҳарбий аксил-разведка хизматига эса генерал Ярослав Стружик раҳбарлик қилади, деб ёзади «РИА Новости».