Япониядаги аэропортда иккита самолёт тўқнашиб кетди
Хоккайдо префектурасидаги (Япония) Син-Титосэ аэропортида иккита йўловчи самолёти тўқнашиб кетди. Дастлабки маълумотларга кўра, тўқнашув ерда содир бўлган.
280 дан ортиқ йўловчи ва экипаж аъзолари бўлган авиалайнер йўлак бўйлаб ҳаракатланаётган эди. Яна бир самолёт тураргоҳда турган ва унинг ичида ҳеч ким бўлмаган.
Қурбонлар ҳақида маълумотлар йўқ. Воқеага Хоккайдода кучли қор ёғаётгани туфайли кўриш қобилиятининг ёмонлашгани сабаб бўлган бўлиши мумкин. Ноқулай об-ҳаво туфайли аэропортда 46 та авиарейс бекор қилинди, деб хабар беради mir24.tv.