Россияда Туркияга нефть жўнатилган терминал портлатилди
21 январга ўтар кечаси Ленинград вилоятидаги Усть-Луга шаҳридаги Россия нефть терминалига ҳужум уюштирилди. Натижада кучли ёнғин бошланган.
Новатекнинг хабар беришича, терминалда операциялар тўхтатилган, бироқ ҳодиса натижасида қурбонлар йўқ. Ёнғин аллақачон локализация қилинган ва ҳодиса оқибатларини бартараф этиш ишлари олиб борилмоқда. Фақатгина «ташқи таъсир» версияси расман тасдиқланган бўлсада, кўплаб манбалар зарбани иккита УАВ амалга оширганини айтишади.
Айнан Уст-Луга терминали орқали Россия 2023 йил декабрь ойида Уралс нефтининг 85 фоизини Туркияга экспорт қилди, гарчи Новороссийск терминали Туркия портларига анча яқинроқ бўлсада. Портлаш вақтида терминал яқинида бошқа нарсалар қатори турк танкери ҳам бўлган.