Новости за 12.03.2024

Сочида яңа туган бала 3 көннән соң үлгән. Ата-анасы аны хастаханәгә алып барудан баш тарткан булган. Бу турыда «Комсомольская правда» хәбәр итте.

Көрәш буенча 2024 елгы Татарстан чемпионнары билгеле. Шулай да тыныч кына барган ярышның бер финал алышында гауга чыгып алды. Сәбәпчеләрнең һәм корбаннарның берсе – Раил Нургалиев. «Интертат» хәбәрчесе легендар Нургалиевның рекорд куя алмавы һәм гомумән 2024 елгы Татарстан чемпионнары турында бәян итә.

Башкортстанда март башында «Атай» (Әти) дип аталган шоколад чыгуы турында хәбәр таралды. Анда улы Тимерне кочаклаган Радий Хәбиров сурәте бар.

2 марттан башлап ОСАГОны 1 көнгә дә сатып алып була. Бу турыда «АиФ» яза.

Ил-76 хәрби йөк самолеты Иваново өлкәсендә җиргә төшеп шартлаган. Анда барлыгы 16 кеше һәлак булган, дип яза «Лента.ру».

13 мартта Татарстанда аязучан-болытлы һава торышы була. Төнлә кар явачак. Көндез явым-төшемнәрсез була. Төнлә һәм иртән урыны белән томан төшә. Төньяк-көнбатыштан, көньяк-көнбатыштан уртача тизлектә җил. Төнлә һава температурасы -6..-11˚, аязганда -14˚, көндез -3..+2˚ градус. Юлларда бозлавык.

– Доктор, сезгә «син» дип эндәшсәм, ярыймы? Регистратурада сезгә ышанычымны расценкагызга кертүегез турында әйттеләр. Кыскасы, профессор, коткар! Минем кыяфәтем белән урамга да чыгарга оят.

Филармониядә Флера Сөләйманова истәлегенә уздырылган концертта җырчы Алинә Давытова оятка калган. Бу хакта ул сторисларында яза.

15-17 мартта Россия Президенты сайлаулары көтелә. «Интертат» кандидатларны барлап чыкты.

Блогер Рәмзия Вәлиевадан эремчекле-күрәгәле пирог рецептын тәкъдим итәбез.

Новосибирск шәһәрендә бала тудырган чакта сабый травма алган, һәм аны өлешчә паралич суккан. Бу турыда РЕН ТВ хәбәр итте.

Казанның «Гаилә» мәчете имам-хатыйбы, «Мөхәммәдия» мәдрәсәсе директорының беренче урынбасары Рөстәм хәзрәт Хәйруллин ураза вакытында тәһарәт алганда авыз-борынны чайкау турында аңлатманы телеграм-каналына куйды.

«Гомер елгасын бергә кичәрлек кешегез булсын, кызлар» дип тәкъдим иткән автор-башкаручы Гүзәлия яңа җырын социаль челтәрдәге сәхифәсендә..

Үзенә 37, кече кызына нибары 5 яшь булганда «рак» диагнозы куелган, авыруга каршы көрәшкән һәм аны җиңгән Чаллы хастаханәсе гинекологы тарихы - «Татар-информ» материалында.